Plantun de Prouvènço

Pèr coumpara dos planto d'encò nostre

Silene gallica & Ambrosia psilostachya

Silene gallica

Caryophyllaceae

Noms en français : Silène de France, Silène d'Angleterre.

Descripcioun :
Aquesto empeganto se recounèis à si long péu espaceja, si fueio basalo espatulado e sis enflourejado tipico. La coulour de la flour èi chanjadisso (blanco, roso), e la varieta dicho "quinquevulnera", poupro e blanco es uno veraviho (fotò). Trachis bèn dins li relarg safrous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Planto
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Silene
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : 0 à 800 m
Aparado : Noun

Liò : Terraire safrous - Tepiero seco
Estànci : Termoumediterran à Coulinen
Couroulougi : Pancaro entresigna
Ref. sc. : Silene gallica L., 1753

Ambròsi(-dis-espigo-primo)

Ambrosia psilostachya

Asteraceae Compositae

Nom en français : Ambroisie à épis grêles.

Descripcioun :
L'ambròsi-dis-espigo-primo trachis dins li sablo, souvènt pas trop liuen de la mar o dis oustau. Sèmblo proun à sa cousino di fueio d'artemiso, Ambrosia artemisiifolia, pamens es uno planto renadivo que fai un rizoumo dins la sablo o lou limas. Apoundèn que flouris mai d'ouro e que douno d'enflourejado pu courto.

Usanço :
La planto èi forço alergogèno e pèr acò se dèu d'èstre derrabado. D'estùdi s'interèsson pamens i prouprieta antimicroubiano de l'isabelino, mouleculo secretado pèr la planto que poudrié servi dins la lucho contro li baterìo encò l'ome.

Port : Erbo
Taio : 10 à 60 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Ambrosia
Famiho : Asteraceae
Famiho classico : Compositae
Tribu : Heliantheae
Ordre : Asterales

Coulour de la flour : Verdo
Petalo : >6
Ø (o loungour) enflourejado : 6 à 10 cm
Flourido : Printèms - Estiéu

Sòu : Ca (Si)
Autour basso e auto : 0 à 200 m
Aparado : Noun
Remarco : Planto envahissènto
Jun à setèmbre

Liò : Sablo - Escoumbre e proche dis oustau - Ermas - Culturo
Estànci : Mesoumediterran à Coulinen
Couroulougi : Óurigino Americo dóu Nord
Ref. sc. : Ambrosia psilostachya DC., 1836

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Silene gallica & Ambrosia psilostachya

CCC

ges

RRR

ges

Coumpara Empeganto-(de-Franço) emé uno autro planto

Coumpara Ambròsi(-dis-espigo-primo) emé uno autro planto